السلام عليكم ورحمة الله وبركاته
اول شي حبيت اقول لأميرنا وابونا الشيخ صباح عساك ذخر لنا ويطولنا بعمرك ويحفظك للكويت آمين يارب العالمين
واهنيه واهني الشعب الكويتي بمناسبة مرور 50 سنة على الاستقلال ومرور 20 سنة على التحرير ومرور 5 سنوات على تولي اميرنا الحكم .. عسى ايامنا كلها افراح وسعادة ويحفظ ديرتنا ن كل شر ومن عيون الحاسدين
ثاني شي بمناسبة عيون الحاسدين والحاقدين ..
اليوم دخلت على موقع " الياهو " اللي اهي الصفحة الرئيسيه عندي ولقيت الخبر محطوط واكيد وايد منكم شافوه .. ومن باب الفضول قلت ابي ادخل اشوف التعليقات على هالموضوع وياليتني مادخلت
مادري لي متى " بعض " العرب يتكلمون كأنه نفط الكويت وفلوسها ملك لهم وكأن الكويت بايقه هالفلوس من ديرتهم !
مادري لي متى هالعقول اللي مادري شلون اوصفها تفكر بهالطريقه !
كلامي هذا مو عشان ابي " اشيش " الناس لا انا كتبته من القهر من اغلب التعليقات اللي شفتها
واللي " يبط الجبد " اكثر ان " بعض " الوافدين يطالبون ان الكويت تعطيهم مثل ماتعطي حق شعبها !
ويقولون ان الكويت تعامل الوافدين كأنهم " عبيد " عندهم وماتعطيهم حقهم
اعتقد احنا ماجبرنا احد انه ايي ويقعد بالكويت ويشتغل غصبا عليه اذا المعاش اللي تاخذه او العيشه بالكويت مو عاجبتك تقدر ترد ديرتك او تروح ديرة ثانيه توفرلك احتياجاتك..
واعتقد ان اللي قاعده تعطيك اياه الكويت ماعطتك اياها ديرتك ولا ليش طلعت منها ؟
الطمع موزين ولازم تحمدون ربكم وتشكرونه.. وبدال لاتطالبون الكويت وتسوون مظاهرات ومن هالسوالف روحوا ديرتكم وطالبوها انها تعطيكم.
يحسسوني كأنهم قاعدين يشتغلون بالكويت ابلاش وتطوع منهم والكويت مو مقدرة هالشي !
وفي تعليقات ضحكتني اكثر والله يقولون الحكومه الكويتية بدال لا تعطي الكويتيين اللي اهم اساسا عندهم القدرة على انهم يشترون حاجياتهم خل تعطي حق الفقرا واللي محتاجين.. اهم طبعا قصدهم خل تعطي حق الدول الفقيرة
واعتقد ان الكل عارف دور الكويت بالتبرعات اللي ماراح نتكلم عنها حق اللي محتاج واللي مو محتاج
بس شنسوي بهالناس اللي موفاهمه شي و" تتفلسف" عالفاضي
واخيرا كلمه ودي اقولها لـ هالناس اللي عقولهم مريضه
" شفاء عاجل بإذن الله "
ومثل ماقلت ان في ناس تكلمت عن الكويت بطريقه مو حلوة في ناس دافعت عن الكويت هذيل ينحطون عالراس ولهم كل الشكر والتقدير
سلام!
